Eiríkur Örn Norðdahl og Yrsa Sigurðardóttir taka þátt í viðburðum á bókamessunni í Gautaborg í ár.  Leikritun og leikritaskrif eru einnig í kastljósinu á hátíðinni og leikskáldin Birgir Jón Sigurðsson og Hrafnhildur Hagalín segja frá verkum sínum, sköpunarferli og íslenskri leikhúsmenningu. 

Fjórir þátttakendur frá Íslandi að þessu sinni, rithöfundar og leikskáld.

Dagana 25. til 28. september verður bókamessan í Gautaborg haldin. Líkt og áður verður þar í boði fjöldi viðburða, upplestra og annarra uppákoma auk þess sem ýmsir útgefendur og félög eru með bása þar sem bókmenntir eru kynntar fyrir gestum. Þemu hátíðarinnar í ár eru ást og losti í bókmenntum og einnig gegna leikhús og leikhúsbókmenntir stóru hlutverki. 

Miðstöðin sækir messuna heim

Fulltrúar Miðstöðvar íslenskra bókmennta verða á bókamessunni og funda með norrænum bókaútgefendum og öðrum áhugasömum um íslenskar bókmenntir, þýðingar, styrki og fleira. Mikill áhugi er á íslenskum bókmenntum á Norðurlöndunum og markmiðið með fundunum er að styrkja tengslin við útgefendur og vekja áhuga á nýlegum bókum. Miðstöðin leggur áherslu á að kynna verk sem birtust í kynningarbæklingnum Books from Iceland 2025. 

Höfundarnir frá Íslandi sem taka þátt

Eiríkur Örn Norðdahl  og Yrsa Sigurðardóttir  taka þátt í samtölum um skáldverk sín, beina sjónum að sögusviðum þeirra og fjölbreytilegum viðfangsefnum.

Leikskáldin Birnir Jón Sigurðsson og Hrafnhildur Hagalín segja frá sköpun sinni og sýn á íslenska leikritun.