Heiðursviðurkenningin er veitt einstaklingum sem hafa þýtt verk úr íslensku á annað mál með vönduðum hætti og með þeim árangri að aukið hafi hróður íslenskrar menningar á erlendum vettvangi.
 
Forseti Íslands veitir viðurkenninguna á Bessastöðum annað hvert ár í tengslum við Bókmenntahátíð í Reykjavík og var hún veitt í fyrsta sinn árið 2015. Að Orðstír standa auk Miðstöðvar íslenskra bókmennta, embætti Forseta Íslands, Bandalag þýðenda og túlka, Íslandsstofa og Bókmenntahátíð í Reykjavík.